Pasabide berria Madari errekaren gainean
Bizkaiko Foru Aldundiak 1,12 milioi euro bideratu ditu Next Generation funtsen bidez finantzatutako proiektu honetan, irisgarritasuna hobetzeko eta Urdaibaiko Biosfera Erreserbaren ingurunea zaintzeko. Arantza Atutxa diputatuak Bermeoko Madari errekaren gaineko pasabide berriaren inaugurazioa egin du.
Azpiegitura honek Gaztelugatxe eta Bermeo lotzen dituen oinezkoentzako ibilbidearen jarraipena ematen dio. Pasabide berri honetan, erabiltzaileek paisaia eder batetik igarotzeko aukera izango dute, naturagune berezienetako bat zeharkatuz.
Pasabidea, 70 metro luze eta bi metro zabal, bi muturretatik bermatuta dago, beraz, ingurumen-balio handiko ingurunea errespetatzen jarraitzen da. Horrek azpiegituraren inguruan izaten den eragina gutxitzen du.
Proiektu honen erronka nagusietako bat ingurumen-balio handiko eremuen kontserbazioa izan da, eta horregatik eraikuntza soluzio bat aukeratu da, ibilguan euskarririk ez duena. Horrez gain, erabilitako materialak ingurumenean ondo integratzea lortu da.
Azpiegiturak egurrezko zoladura eta Corten altzairuzko barandak ditu. Hartara, azpiegitura naturan ahalik eta gehiago integratzeko helburua lortu da.
Obrak 2024ko azaroan hasi ziren eta 1.123.618,45 euroko inbertsioa izan dute, proiektua Europako Next Generation funtsen laguntzarekin finantzatuta.
