EuskadiPreben estrategiak basogintza-sektorean prebentzioaren kultura indartzen du
BASKEGUR, OSALAN eta AZTIk prestatu dute artikulu hau, EuskadiPreben estrategiako basogintza-lantaldeko kide diren erakundeek. Bertan, laneko segurtasuna eta osasuna funtsezko osagai direla azpimarratzen da, Euskal Autonomia Erkidegoko basogintza-sektorearen lehiakortasuna eta jasangarritasuna indartzeko.
Honen bitartez, laneko arriskuen prebentzioari eskainitako atal iraunkor berri bati hasiera ematen zaio, prestakuntza, makineriaren erabilera segurua, lanen plangintza, arriskuen kudeaketa eta agente biologikoek eragindako arriskuen prebentzioa biltzen dituen gaiekin.
Ekimenaren helburua da enpresa, langile eta baso-jabeei eduki praktiko eta erabilgarriak helaraztea, egurraren balio-kate osoan prebentzioaren kultura sendoa sustatuz.
